பாதகமான வரிக் கொள்கையை மாற்றியமைத்தல் உள்ளிட்ட பல கோரிக்கைகளை முன்வைத்து 40 தொழிற்சங்கங்களை உள்ளடக்கிய தேசிய அமைப்புக்கள் ஒன்றிணைந்து நாளை (01) தேசிய ஆர்ப்பாட்டமொன்றை நடத்தவுள்ளன.
அரச வைத்திய அதிகாரிகள் சங்கம் பணிப்புறக்கணிப்புக்கு ஆதரவளிப்பதா என்பது தொடர்பில் சங்கத்தின் மத்திய குழு இன்று (28ம் திகதி) கலந்துரையாடி தீர்மானிக்கும் என சங்கத்தின் செயலாளர் ஹரித அலுத்கே நேற்று (27) தெரிவித்தார்.
மேலும், வேலை நிறுத்தத்தால் பொதுமக்களும் பாதிக்கப்படுவார்கள் என்றும், இந்த நேரத்தில் மேலும் ஒடுக்கப்படுவார்களா என்பதை சிந்திக்க வேண்டும் என்றும், இன்று இறுதி முடிவு எடுக்கப்படும் என்றும் அவர் கூறினார்.
பாதகமான வரிக் கொள்கையை மாற்றுவது உள்ளிட்ட பல கோரிக்கைகளுக்கு தீர்வு காணுமாறு கோரி 40க்கும் மேற்பட்ட அரச, அரை அரச மற்றும் தனியார் துறை தொழிற்சங்கங்களின் உறுப்பினர்கள் இந்த ஆர்ப்பாட்டத்தில் ஈடுபடவுள்ளதாக திரு.அலுத்கே மேலும் தெரிவித்தார்.
நாளைய ஆர்ப்பாட்டத்திற்கு ஆசிரியர் - அதிபர் அமைப்பாக கறுப்பு பட்டை அணிந்து பணிக்கு சமூகமளிக்கவுள்ளதாக இலங்கை ஆசிரியர் சங்கத்தின் பொதுச் செயலாளர் மஹிந்த ஜயசிங்க தெரிவித்துள்ளார்.
