(srilanka tamil news)மிஹிந்தலை, தொரமடலாவ பகுதியில் உள்ள வீடொன்றில் தனியாக இருந்த மாற்றுத்திறனாளி பெண் ஒருவர் படுகொலை செய்யப்பட்டுள்ளதாக பொலிஸார் தெரிவித்துள்ளனர்.
மிஹிந்தலை, தொரமடலாவ, மூன்றாம் படியைச் சேர்ந்த ஹேரத் முதியன்சேலாகே என்ற ஸ்ரீஆனி விஜேசிங்க (49) என்ற ஊனமுற்ற பெண்ணே படுகொலை செய்யப்பட்டுள்ளார்.
திருமணமாகாத இந்த மாற்றுத்திறனாளி பெண்ணும் அவரது தாயாரும் ஒரே வீட்டில் வசித்து வரும் நிலையில், இவரது தாயார் நேற்று 29ஆம் திகதி வீட்டில் இருந்து கூலி வேலைக்குச் சென்றுள்ளார்.
அன்று மாலை மீண்டும் தாய் வீட்டிற்கு வந்து கொண்டிருந்தபோது, வீட்டில் அந்நியன் ஒருவரைக் கண்டார். அவருடன் சிறு வாக்குவாதம் ஏற்பட்டதையடுத்து, தாயார் இதுகுறித்து அக்கம்பக்கத்தினரிடம் தெரிவித்தார்.
சம்பவத்தை அறிந்த பிரதேசவாசிகள் வீட்டிற்கு வந்து சந்தேக நபரை பிடித்து மிஹிந்தலை பொலிஸாரிடம் ஒப்படைத்துள்ளனர்.
இதனிடையே வீட்டில் உள்ள படுக்கையில் மாற்றுத்திறனாளி மகளின் உடல் நிர்வாணமாக கிடந்தது.
