44,000 பேர் உயிரிழந்த துருக்கி-சிரியா எல்லையில் நேற்று (20ஆம் திகதி) ஏற்பட்ட மேலும் இரண்டு சக்திவாய்ந்த நிலநடுக்கங்களால் 03 பேர் உயிரிழந்துள்ளதுடன் 683 பேர் காயமடைந்து வைத்தியசாலையில் அனுமதிக்கப்பட்டுள்ளனர். காயமடைந்தவர்களில் 470 பேர் சிரியர்கள் என தெரியவந்துள்ளது. ரிக்டர் அளவுகோலில் 6.4 மற்றும் 5.8 ஆக பதிவான இந்த இரண்டு நிலநடுக்கங்களும் ஏற்பட்டுள்ள நிலையில், இரண்டு வாரங்களுக்கு முன்னர் துருக்கி - சிரிய எல்லையில் ஏற்பட்ட பாரிய நிலநடுக்கத்தால் விரிசல் அடைந்த கட்டிடங்கள் இடிந்து விழுந்துள்ளதாக தெரிவிக்கப்படுகின்றது.
முந்தைய நிலநடுக்கத்தில் காணாமல் போனவர்களைத் தேடும் பணியை மீண்டும் தொடங்க நிவாரணக் குழுக்கள் நடவடிக்கை எடுத்துள்ளன, சமீபத்திய நிலநடுக்கங்களால் அதிகமானோர் இடிபாடுகளுக்குள் புதைந்துள்ளதால் இடைநிறுத்தப்பட்டிருந்தன.
கடந்த ஞாயிற்றுக்கிழமை துருக்கி மற்றும் சிரியாவில் ஏற்பட்ட கடுமையான நிலநடுக்கத்தில் இறந்தவர்களின் எண்ணிக்கை 44,000 ஐ எட்டியபோது, இடிந்து விழுந்த கட்டிடங்கள் மற்றும் நெடுஞ்சாலைகளின் இடிபாடுகளில் புதையுண்ட காணாமல் போனவர்களைத் தேடும் நடவடிக்கைகளை நிறுத்த நிவாரணக் குழுக்கள் நடவடிக்கை எடுத்தன. ஆனால், நேற்று முன்தினம் ஏற்பட்ட நிலநடுக்கத்தால், காணாமல் போனவர்களைக் கண்டுபிடிக்கும் பணிகள் மீண்டும் தொடங்கியுள்ளன. நேற்று ஏற்பட்ட இரண்டு சமீபத்திய நிலநடுக்கங்களால் துருக்கி-சிரிய எல்லையில் உள்ள "அன்டக்யா", "டெஃப்னே" மற்றும் "சமந்தாக்" ஆகிய பகுதிகளில் வசிப்பவர்கள் மூவர் உயிரிழந்துள்ளதாக தெரியவந்துள்ளது.
இந்த நிலநடுக்கங்களின் தாக்கம் அண்டை நாடுகளான எகிப்து மற்றும் லெபனானிலும் உணரப்பட்டுள்ளதாக அந்த நாடுகள் தெரிவித்துள்ளன. இடிந்து விழும் அபாயம் உள்ளதால், இந்த நில அதிர்வுகளால் கடுமையாக சேதமடைந்த கட்டிடங்களுக்குள் நுழைய வேண்டாம் என சம்பந்தப்பட்ட பகுதிகளில் உள்ள மக்களுக்கு அதிகாரிகள் அறிவித்துள்ளனர்.
