களுத்துறை சிறுமியின் மரணத்துடன் தொடர்புடைய பிரதான சந்தேகநபரை தடுத்து வைத்து விசாரணை நடத்த அனுமதி

 

( srilankan tamillk tamil news ) 16 வயதுடைய களுத்துறை சிறுமியின் மரணத்துடன் தொடர்புடைய பிரதான சந்தேகநபரை 48 மணித்தியாலங்கள் தடுத்து வைத்து விசாரணை நடத்த பொலிஸாருக்கு களுத்துறை நீதவான் நீதிமன்றம் அனுமதி வழங்கியுள்ளது.

இதையடுத்து அவர் இன்று (மே 10) நீதிமன்றத்தில் ஆஜர்படுத்தப்பட்டார்.

இந்த 16 வயது பாடசாலை மாணவி மே 6ஆம் திகதி களுத்துறை விடுதியின் மேல் மாடியில் இருந்து தவறி விழுந்து உயிரிழந்துள்ளார்.

சம்பவம் குறித்து விசாரணை நடத்திய போலீசார், 19 வயது இளம்பெண் உள்பட 3 பேரை கைது செய்தனர்.

பின்னர் நேற்று (மே 9) அதிகாலை ஹிக்கடுவ பிரதேசத்தில் வைத்து பொலிஸாரைத் தவிர்த்துக் கொண்டிருந்த பிரதான சந்தேகநபரை பொலிஸார் கைதுசெய்துள்ளனர்.