( srilanka tamil news-taqmillk ) தொடர்ந்து பெய்துவரும் கனமழையால் ஜிங் கங்கையைச் சுற்றியுள்ள தாழ்நிலப் பகுதிகள் கணிசமான வெள்ளப்பெருக்கு ஏற்படக்கூடும் என நீர்ப்பாசனத் திணைக்களம் எச்சரித்துள்ளது.
இதன்படி, பத்தேகம, நயாகம, நெலுவ, தவலம மற்றும் நாகொட ஆகிய பிரதேச செயலகங்களுக்கு உட்பட்ட கிங் கங்கை பள்ளத்தாக்கின் தாழ்வான பகுதிகளில் அடுத்த 3 மணித்தியாலங்கள் முதல் 24 மணித்தியாலங்களுக்குள் வெள்ள நிலைமை ஏற்படக்கூடும் என நீர்ப்பாசன திணைக்களம் தெரிவித்துள்ளது.
குறித்த பிரதேசங்களில் வசிப்பவர்கள் மற்றும் அந்த வீதிகளை பயன்படுத்தும் வாகன சாரதிகள் இது தொடர்பில் மிகவும் அவதானமாக இருக்குமாறு நீர்ப்பாசன திணைக்களம் அறிவித்துள்ளது.
இதேவேளை, நில்வலா ஆற்றை அண்மித்த தாழ்வான பகுதிகளில் வசிக்கும் மக்களுக்கு வெள்ள அபாய எச்சரிக்கை விடுக்கப்பட்டுள்ளது.
கொட்டபொல, பிடபெத்தர, அக்குரஸ்ஸ, அத்துரலிய, மாலிம்பட, திஹாகொட, மாத்தறை, தெவிநுவர ஆகிய பிரதேச செயலாளர் பிரிவுகளுக்கு உட்பட்ட தாழ்நிலங்களில் வாழும் மக்கள் இது தொடர்பில் அவதானம் செலுத்த வேண்டுமென நீர்ப்பாசன திணைக்களம் தெரிவித்துள்ளது.
