சில்க் ஸ்மிதாவின் 62 ஆவது பிறந்த தினம்
சினிமா ரசிகர்கள் மனதில் கவர்ச்சி தரையாக தடம் பதித்த சில்க் ஸ்மிதாவின் இன்று 62 வது பிறந்தநாள் தினமாகும்.இவர் விஜயலட்சுமி என்ற பெயருடன் ஆந்திரா மாநிலத்தில் உள்ளே ஏலூர் என்ற ஊரில் 1960 டிசம்பர் 2ஆம் தேதி பிறந்தார்.
இவர் சிறு வயதிலேயே மிகவும் ஏழ்மையான குடும்பத்தில் பிறந்ததால் மிகவும் வறுமையின் பிடியில் சிக்கி இருந்தார் இதனால் இவரின் பெற்றோர்கள் இவரை நான்காம் வகுப்பு வரை தான் படிக்க வைத்தார்கள். பின்னர் சென்னைக்கு வருகை தந்து சினிமாவில் ஒப்பனை உதவியாளராக சில வேலைகளை செய்து கொண்டிருந்தபோது மறைந்த நடிகர் வினு சக்கரவர்த்தியின் உதவியால் சினிமாவுக்குள் உள் நுழைந்தார்.
இவர் 1979 ஆம் ஆண்டு வெளிவந்த வண்டிச்சக்கரம் திரைப்படத்தில் சாராயம் விற்கும் சில்க் என்ற பெண் கதாபாத்திரத்தில் நடித்தார் இதிலிருந்து இவருக்கு நிறைய வரவேற்புகள் கிடைத்ததும் விஜயலட்சுமி என்ற இயற்பெயரிலிருந்து சில்க் ஸ்மிதா என்ற பெயர் மாற்றப்பட்டு சினிமாவில் பல படங்களை நடித்து வந்தார் இவர் தமிழ் தெலுங்கு மலையாளம் மற்றும் ஹிந்தி ஆகியவற்றில் சுமார் 450-க்கும் மேற்பட்ட திரைப்படங்களில் நடித்துள்ளார்.
திரையுலகில் ரசிகர்கள் இன்று வரை சில்க் ஸ்மிதா என்ற பெயர் நிலைத்து இருக்கிறது என்றால் அவருடைய கவர்ச்சிகரமான கண்கள்.
இருந்த போதிலும் தனது குடும்ப வாழ்வில் மிகவும் சோகத்தை கொண்டிருந்தார் சில்க் ஸ்மிதா இவர் 1996 ஆம் ஆண்டு செப்டம்பர் மாதம் 23 ஆம் தேதி தனது வீட்டில் தூக்கு போட்டு இறந்தார் இருந்த போதும் இவரின் இறப்பு இதுவரைக்கும் ஒரு மர்மமான முறையாக தான் இருந்து வருகிறது.
தனது 19 வயது தொடக்கம் 36 வயது வரை சினிமாவில் ரசிகர்கள் மனதில் தனக்கென்று கவர்ச்சி தாரகை என்ற பெயரை நிலைத்து கொண்டு இருந்தவர் இவர் மறைந்து 26 வருடங்கள் ஆகியும் இன்னும் ரசிகர்கள் மனதில் இவருடைய பெயர் நிலைத்திருக்கிறது. இன்று வரைக்கும் இவருடைய இடம் சினிமாவில் வெற்றிடமாக தான் காணப்படுகிறது.
