( srilanka tamil news-tamillk ) சிறுவர் துஷ்பிரயோகங்களை தடுப்பதற்கு கடுமையான சட்டங்களை உருவாக்குமாறு ஜனாதிபதி ரணில் விக்கிரமசிங்க சட்ட திணைக்களங்களுக்கு பணிப்புரை விடுத்துள்ளார்.
சில ஆசிரியர்கள் மற்றும் முதியவர்கள் மற்றும் சமூகத்தின் பல்வேறு தரப்பினரால் நடைபெற்று வரும் சிறுவர் துஷ்பிரயோகங்களை விரைவாக ஒடுக்க வேண்டியதன் அவசியத்தை சுட்டிக்காட்டிய ஜனாதிபதி, அவ்வாறான செயல்களுக்கு கடுமையான தண்டனை வழங்கும் சட்ட அமைப்பு ஒன்றின் அவசியத்தை வலியுறுத்தியுள்ளார்.
களுத்துறை ஹோட்டல் ஒன்றின் உயரமான மாடியில் இருந்து தவறி விழுந்து 16 வயது சிறுமி உயிரிழந்த சம்பவம், களுத்துறை துணை வகுப்பு ஆசிரியை ஒருவரால் 16 சிறுவர்கள் துஷ்பிரயோகம் செய்யப்பட்டமை போன்ற தொடர் சம்பவங்கள் தொடர்பிலான அறிக்கைகள் தொடர்பில் அவதானம் செலுத்தி ஜனாதிபதி இந்த பணிப்புரையை வழங்கியுள்ளார். .
நாட்டின் குழந்தைகளைப் பாதுகாப்பதற்கு தனியான சட்டத் தொகுப்பு அறிமுகப்படுத்தப்பட வேண்டும் என்றும் திரு ரணில் விக்கிரமசிங்க குறிப்பிட்டுள்ளார்.
அதற்காக தற்போதுள்ள சட்டங்களில் திருத்தம் செய்ய வேண்டியதன் அவசியத்தை சுட்டிக்காட்டிய ஜனாதிபதி, இந்த சட்ட அமைப்பை தயாரிக்கும் போது கையடக்கத் தொலைபேசி, சமூக வலைத்தளங்கள் போன்றவற்றை பாவித்து சிறுவர் துஷ்பிரயோகம் தொடர்பில் அவதானம் செலுத்துமாறும் அறிவித்துள்ளார்.
அதன்படி, உரிய சட்டங்கள் உருவாக்கப்பட்ட பின்னர், அவை நாடாளுமன்றத்தில் சமர்ப்பிக்கப்பட்டு, உடனடியாக ஏற்றுக்கொள்ளப்படும்.
பாடசாலை பாடத்திட்டங்களில் மாற்றங்களை ஏற்படுத்த வேண்டியதன் அவசியத்தை சுட்டிக்காட்டிய ஜனாதிபதி, வீட்டில் பெற்றோர்-குழந்தை உறவுகள் மற்றும் மனநலம் தொடர்பான புதிய உரையாடல் மற்றும் விழிப்புணர்வு நிகழ்ச்சித்திட்டத்தின் அவசியத்தையும் வலியுறுத்தியுள்ளார்.
குழந்தைகளின் மனநிலையை புரிந்து கொண்டு பரந்த மனப்பான்மை கொண்ட குழந்தைகளை உருவாக்கும் வகையில் சமூகத்தின் மனப்பான்மையை வளர்க்கும் வகையில் அரச மற்றும் தனியார் நிறுவனங்கள் மட்டத்தில் விசேட வேலைத்திட்டமொன்றை நடைமுறைப்படுத்துவது தொடர்பில் ஜனாதிபதி ரணில் விக்கிரமசிங்க கவனம் செலுத்தியுள்ளார். .
