( jaffna tamil news-tamillk ) யாழ்ப்பாணம் - அச்சுவேலி பொலிஸ் நிலையத்திற்கு அருகில் உள்ள காணியில் தனக்குத்தானே பெட்ரோலை ஊற்றிக் கொண்டு தற்கொலைக்கு முயன்ற நபரை பொலிஸார் காப்பாற்றியுள்ளனர்.
தன் மகள் தொடர்பில் அயல் வீட்டார் இழிவாக பேசியது தொடர்பாக பொலிஸார் நடவடிக்கை எடுக்கத் தவறிவிட்டதாக கூறியபடி அச்சுவேலி பொலிஸ் நிலையத்திற்கு அருகில் உள்ள காணியில் தனக்குத் தானே பெட்ரோலை ஊற்றி தற்கொலை செய்ய முயற்சித்துள்ளார்.
உடனடியாக விரைந்து செயற்பட்ட பொலிஸார் இந்த நபரை மடக்கிப்பிடித்து தற்கொலை முயற்சியில் இருந்து காப்பாற்றியுள்ளனர்.
குறித்த நபர் ஆவரங்கால் - சர்வோதயா பகுதியைச் சேர்ந்த நபரே இவ்வாறு காப்பாற்றப்பட்டுள்ளார்.
குறித்த சம்பவம் தொடர்பில் மேலும் தெரியவருவதாவது, கடந்த ஒரு வாரத்திற்கு முன் ஆவரங்கால் சர்வோதயா பகுதியில் 18 வயது இளைஞன் ஒருவன் அயல் வீட்டுப் பெண்ணை காதலித்து இருவரும் சுய விருப்பில் இருவரும் திருமணம் செய்ய சென்றுள்ளனர்.
இந்தச் சம்பவத்தை தொடர்ந்து பெண் வீட்டார் மேற்படி இளைஞனின் வீட்டுக்குச் சென்று தாக்குதலை மேற்கொண்டு மற்றும் சொத்துக்களுக்கும் சேதம் ஏற்படுத்தியிருந்தனர்.
இந்தச் சம்பவம் தொடர்பில் பாதிக்கப்பட்ட இளைஞனின் வீட்டார் அச்சுவேலி பொலிஸ் நிலையத்தில் செய்த முறைப்பாட்டுக்கு அமைய பெண்ணின் தந்தை மற்றும் பெரிய தகப்பனார் கைது செய்யப்பட்டு, நீதிமன்றத்தில் முற்படுத்தப்பட்ட நிலையில் அவர்கள் பிணையில் விடுவிக்கப்பட்டனர்.
சம்பவத்துடன் தொடர்புடைய மேலும் 5 சந்தேகநபர்களை கைது செய்யவும் நீதிமன்றம் பொலிஸாருக்கு உத்தரவு வழங்கியுள்ளது.
அதனடிப்படையில் குறித்த 5 சந்தேகநபர்களையும் இன்று (17) பொலிஸ் நிலையத்தில் முன்னிலையாகுமாறு பொலிஸார் அறிவித்துள்ள நிலையில், தவறு செய்யாத என்னை ஏன் முன்னிலையாக வேண்டும்? என்று சொல்லிக்கொண்டு.
தனது மகளை அவதூறாக பேசிய அயல் வீட்டார் மீது பொலிஸார் நடவடிக்கை ஏன் எடுக்கவில்லை எனவும் கூறி தனக்குத்தானே பெட்ரோல் ஊற்றி தற்கொலைக்கு முயற்சித்தார்.
இந்தச் சம்பவத்தால் அச்சுவேலி பொலிஸ் நிலையத்திற்கு அருகில் பெரும் பரபரப்பு ஏற்பட்டுள்ளது .
இதேவேளை குறித்த நபர், காதலித்து திருமணம் செய்ய சென்ற பெண்ணின் பெரிய தகப்பன் எனக் கூறப்படுகிறது.
மேலும் இது தொடர்பான செய்திகளைப் படிக்க இங்கே கிளிக் செய்யவும்
