அம்பேவெல ரெண்டபொல பகுதியில் கார் ஒன்று குன்றில் விழுந்துள்ளது

 

ரெண்டபொல - அம்பேவெல பிரதான வீதியில் பயணித்த கார் ஒன்று வீதியை விட்டு விலகி 10 அடி பாறையில் வீழ்ந்ததில் விபத்து ஏற்பட்டுள்ளது.

வெலிமடை - நுவரெலியா பிரதான வீதியில் ரெண்டபொல சந்தியிலிருந்து அம்பேவெல வரையான பிரதான வீதியில் அம்பேவெல நோக்கிச் சென்ற கார் ஒன்று வீதியின் 4ஆம் கிலோமீற்றர் கம்புக்கு அருகில் விபத்துக்குள்ளாகியுள்ளது. கார் சாலையை விட்டு விலகி சுமார் 10 அடி பயிரிடப்பட்ட வயலில் விழுந்ததில் கார் பலத்த சேதமடைந்தது. 

விபத்தின் போது, ​​காரில் பயணித்த வைத்தியர் மற்றும் கண்டி பிரதேசத்தைச் சேர்ந்த பெண் ஒருவரும் சிறு காயங்களுக்குள்ளானதோடு, கார் கவிழ்ந்து அருகில் உள்ள மரத்தில் மோதியதால் பெரும் விபத்து தவிர்க்கப்பட்டது.

இந்த ரெண்ட்பொல - அம்பேவெல பிரதான வீதியானது பட்டிப்பொல ஊடாக ஹொடன்தன்ன வரை செல்லும் வீதியாகும். இது நாளாந்தம் அதிகளவான சுற்றுலாப் பயணிகள் பயணிக்கும் வீதியாகும். இவ்வீதியில் குறுகலான இடங்கள் அதிகம் உள்ளதால் அவ்விடங்களின் ஊடாக வாகனங்களை செலுத்தும் போது கவனமாக வாகனங்களை செலுத்துமாறு கேப்பிட்டிபொல பொலிஸார் தெரிவித்துள்ளனர்.